BANK HAQQINDA
“AFB Bank” Açıq Səhmdar Cəmiyyəti
28 noyabr 2008-ci il tarixdə Azərbaycan Mərkəzi Bankı tərəfindən 253 saylı lisenziya almış “AFB Bank” ASC öz fəaliyyətinə 16 fevral 2009-cu ildən etibarən başlamışdır.
“Banklar haqqında” Qanunun 19-cu maddəsinə əsasən “AFB Bank” Bank olaraq Açıq Səhmdar Cəmiyyəti kimi təsis olunmuşdur.
Azərbaycan bank bazarının subyektlərindən biri kimi “AFB Bank” Açıq Səhmdar Cəmiyyəti ölkə iqtisadiyyatını və hökümətimizin monetar siyasətini dəstəkləməklə yanaşı, daim dinamik inkişafa hədəflənmiş səmərəli və təmkinli, az riskli və ölçülü fəaliyyətə üstünlük verir. Bankın fəaliyyət müddəti zamanla məhdudlaşmır.
Bank Azərbaycan Respublikasının Mərkəzi Bankından aldığı bank lisenziyasında qadağan edilməyən bütün fəaliyyət növləri ilə məşğul olur.
Səhmdarlar haqqında
Yenilənib: 27.04.2023
Səhmdarlar | Cari səhmdar payı % |
İsmayılov Hikmət Əbuzər oğlu | 99.6406 |
Muradov Cəmil Tahir oğlu | 0.1797 |
Hacıyev Toğrul Ülvi oğlu | 0.1797 |
Cəmi | 100.0 |
Əlaqə nömrəsi
- Fax +994 12565 6566
- Məlumat mərkəzi +994 12565 6567
- E-mail info@afb.az
- Ünvan
Bakı şəhəri, Yasamal rayonu, Nəriman Nərimanov prospekti, 206/466
Strateji baxışımız, missiyamız və korporativ dəyərlərimiz
Strateji Baxışımız
Biznes və Fərdi müştərilərə müasir tələblərə cavab verən keyfiyyətli maliyyə xidmətləri təqdim etməklə Azərbaycan iqtisadiyyatina töhfə vermək.
Missiyamız
- Müştərilərimizə keyfiyyətli, rəqabətədavamlı xidmət göstərməklə;
- Yüksək korporativ idarəetmə standartlarını tədbiq etməklə;
- Rəqəmsal təcrübəni artırmaqla;
- Dayanıqlı maliyyə prinsiplərini üstün tutaraq Universal Bank olmaqdır.
Korporativ dəyərlərimiz
Müştəriyönümlülük – Bankın fəaliyyəti müştərilərin ehtiyac və gözləntilərinin öyrənilməsinə, onlara fərdiləşdirilmiş və keyfiyyətli xidmət göstərilməsinə əsaslanır.
Nəticəyönümlülük – Bankın bütün prosesləri ölçülə bilən məqsədlərə və real nəticələrin əldə edilməsinə yönəlmişdir. Uğur əldə etmək üçün hər bir əməkdaş öz işində səmərəliliyə və nəticəyə fokuslanır.
Tam Sahiblənmə – Hər bir əməkdaş öz vəzifə və nəticələrinə tam sahib çıxaraq, proseslərin əvvəlindən sonuna qədər məsuliyyət daşıyır və təşəbbüskarlıq göstərir.
Davamlı İnkişaf – Bankda öyrənmə, yenilikçilik və inkişaf mədəniyyəti təşviq olunur. Hər bir əməkdaş öz bilik və bacarıqlarını artırmaqla Bankın davamlı tərəqqisinə töhfə verir.
Şəffaflıq – Fəaliyyətimizdə dürüstlük, açıq ünsiyyət və hesabatlılıq prinsiplərinə əsaslanırıq. Bank daxilində və tərəfdaşlarla etimada söykənən şəffaf münasibətlər qurmaq əsas prioritetimizdir.
FATCA
AFB Bank ASC də FATCA tələblərindən irəli gələrək, Daxili Gəlirlər İdarəsinin (IRS) elektron portalında qeydiyyatdan keçmişdir.
AFB Bank ASC də FATCA statusu: Model 1 IGA uyğun olaraq hesabat verən maliyyə institutu
Bankın Qlobal Eyniləşdirmə Nömrəsi (GIIN): - YZ908R.99999.SL.031
FATCA-nın əsas məqsədi ABŞ vergi ödəyicilərinin müəyyən edilməsi (“ABŞ Şəxsləri”) olmaqla bank kimi maliyyə institutlarında müştərilərin sənədləşdirilməsi və hesabatlılığı ilə bağlı yeni prosedurlara əməl edilməsini təmin etməkdir. Sazişə əsasən FATCA-nın tələblərinə uyğun olaraq yeni müştəri qəbulu qaydaları 1 iyul 2014-cü ildən etibarən tətbiq olunmağa başlamışdır. Buna baxmayaraq 1 iyul 2014-cü ildən əvvəl açılmış hesabların da müəyyən parametrlər əsasında verifikasiya olunması tələb olunur.
Sazişə əsasən ABŞ şəxsləri ilə əlaqədar Azərbaycan Respublikası Vergilər Nazirliyinə hesabat vermək öhdəliyi olan bank, müştərinin FATCA statusunu müəyyən etmək üçün banka təqdim edilən sənədlər və məlumatlar əsasında aşağıdakıları həyata keçirəcək:
- Müştərinin FATCA ilə bağlı statusunu qiymətləndirmək;
- ABŞ Əlamətlərini (məsələn: hesab üzrə sənədlərdə qeyd olunmuş ABŞ ünvanı, ABŞ telefon nömrəsi və ya ABŞ doğum yeri) müəyyən etmək və tələb olunduğu halda müvafiq düzəlişlər etmək. Bununla bağlı müştəri tərəfindən əlavə məlumat (məsələn: FATCA statusunu təsdiq etməkdən ötrü “W-8-BEN”, Hüquqi şəxslər üçün W-8-BEN I ” və ya “W9” adlandırılan ABŞ formaları) təqdim edilməsi zərurəti ortaya çıxa bilər.
- Əgər müştəri FATCA tələblərinə əsasən ABŞ Şəxsi hesab olunarsa (və ya banka müştəri hesabının FATCA məqsədləri üçün təsnifləşdirilməsi ilə əlaqədar zəruri olan sənədlər təqdim edilmədiyi təqdirdə), bankda mövcud olan hesablara dair məlumatlar Azərbaycan Respublikası Vergilər Nazirliyinə (onlar isə öz növbəsində bu məlumatları İRS-ə ötürəcək) təqdim ediləcəkdir. ABŞ şəxsi hesab olunmayan şəxslər barədə hər-hansı bir məlumatın ötürülməsi tələb olunmur.
FATCA ilə bağlı daha ətraflı məlumatı IRS-in internet səhifəsindən (www.irs.gov/FATCA) və ya Azərbaycan Respublikası Vergilər Nazirliyinin rəsmi veb səhifəsinin FATCA bölməsindən (http://www.taxes.gov.az/modul.php?name=beynelxalq&cat=92) əldə edə bilərsiniz.
- Növbəti başlıq AFB Bankın inkişaf tarixi arrow_forward
