Bankın Səhmdarlarının Ümumi Yığıncağının iclasında qəbul edilmiş qərara əsasən Kərimov Famil Qalib oğlu 18.05.2021 tarixindən “AFB Bank”ın Müşahidə Şurasının yeni üzvü təyin edilmişdir.

Kərimov Famil Qalib oğlu — 1984-cü ildə anadan olub. 2001-ci ildən 2005-ci ilə qədər Xəzər Universitetində “Maliyyə və Mühasibat uçotu” ixtisası üzrə fərqlənmə ilə bakalavr dərəcəsini alıb. 2013-2014-cü illərdə İspaniyada IE Business Məktəbində “Biznesin İdarə edilməsi” üzrə magistr dərəcəsi (“MBA”) almışdır. 2013-cü ildən etibarən Birləşmiş Krallıqda Beynəlxalq Mühasiblər Assosiasiyasının (“FCCA”) üzvüdür.

O, 2005-2013-cü illər ərzində “Deloitte”  və  “Baker Tilly” kimi xarici audit şirkətlərdə müxtəlif vəzifələr tutmuşdur. 2015-ci ildən “Cənub Qaz Dəhlizi” QSC-də Kommersiya və Əməliyyatlar Departamentinin Direktoru və 2016-cı ildən Gilan Sənaye Qrupunda Baş Maliyyə Direktoru və Baş direktorun müavini işləmişdir. 2018-ci ildən Gilan Holdinqdə Strateji İdarəetmə Ofisinin rəhbəri və eyni zamanda Direktorlar Şurasının üzvüdür.